भ्यान दुर्घटनामा एक मृत्यु १० घाइते

चितवन । भरतपुर महानगरपालिका– ८ सीताराम चोकमा आइतबार मध्याह्न एक भ्यान अनियन्त्रित भई पल्टिँदा एक जनाको मृत्यु, १० जना घाइते भएका छन् ।

भरतपुर महानगरपालिका– १४, भीमसेननगर बस्ने २४ वर्षीय सुदीप भुजेलको मृत्यु भएको जिल्ला प्रहरी कार्यालयले बताइएका छन् ।

घाइतेको चितवन मेडिकल कलेजमा उपचार भइरहेको छ । घाइतेमध्ये एक गम्भीर, सात मध्यम र दुई सामान्य रहेको प्रहरीले जनाएको छ ।

गीतानगरबाट नारायणगढतर्फ आउँदै गरेको ना१ ज६६२५ नं को ‘म्याजिक भ्यान’ अनियन्त्रित भई सडक छेउमा पल्टिएको हो । दुर्घटनापछि चालक फरार रहेको प्रहरीले जनाएको छ ।