सिंहदरबार क्षेत्रमा विद्युत आपूर्ति बन्द हुने

काठमाडौं । सिंहदरबार क्षेत्रमा शनिबार केहीबेर विद्युत्त आपूर्ति बन्द हुने भएको छ ।

सिंहदरबार परिसरमा रहेका एच.टी लाइनमा परेका रूखका हाँगाबिँगा काट्न तथा मन्त्रालयहरूमा जडान भएका ट्रान्सफरमरहरुको सफाइका लागि प्राधिकरणले विद्युत्त आपूर्ति बन्द गर्न लागेको हो ।

नेपाल विद्युत्त प्राधिकरण, रत्नपार्क वितरण केन्द्रका अनुसार बिहान देखि १२ बजेसम्म यो क्षेत्रमा लोडसेडिङ हुनेछ ।

प्राधिकरणले उपत्यकामा सफाइ तथा मर्मत गर्नु परेमा शनिबारका दिन लोडसेडिङ गर्दै आएको छ ।