त्रिभुवन अन्तराष्ट्रिय विमानस्थलमा उडान-अवतरण बन्द

काठमाडौं । त्रिभुवन अन्तराष्ट्रिय विमानस्थलमा उडान-अवतरण बन्द भएको छ ।

धावनमार्गमा समस्या देखिएपछि बिहान ११.१० बाट विमानस्थलमा उडान अवतरण रोकिएको हो ।

धावनमार्गमा पिच उप्किएर चिरा देखिएपछि मर्मतका लागि विमानस्थल बन्द भएका हो । यसका कारण आधादर्जन विमान आकाशमै होल्ड भएका छन् भने उडान तालिकाअनुसार विमानहरु उड्न पाएका छैननन् ।

बन्द विमानस्थल खुल्न अझै केही समय लाग्ने विमानस्थल स्रोतले जानकारी दियो । वर्षायाममा विमानस्थलको धावनमार्गमा पटक(पटक पिच उप्किने समस्या देखिने गरेको छ ।

विमानस्थल प्रमुख राजकुमार क्षेत्रीले भने २० मिनेट अवरुद्ध भएको उडान अवतरण सुचारु भइसकेको दावी गरे । तर, मर्मतमा केही प्राविधिक काम बाँकी रहेकाले केही समय अझै लाग्ने विमानस्थलका एक प्राविधिकले बताए ।

कतार एयरवेज, नेपाल एयरलाइन्स, विमान बंगलादेश, जेट एयर लगायतका जहाज अवतरण गर्न नसकेपछि आकाशमा चक्कर लगाइरहेका छन् ।