ट्याक्टर दुर्घटनामा एक युवकको मृत्यु

काठमाडौं । पर्वतको कुश्मा नगरपालिका–९ कटुवाचौपारीमा दोविल्ला–फलेवास सडकखण्डअन्तर्गत भएको टयाक्टर दुर्घटनामा एक जनाको मृत्यु भएको छ ।

दुर्घटनामा परी बागलुङको बागलुङ नगरपालिका–१३ बलेवाका १६ वर्षीय कमल नेपालीको मृत्यु भएको छ । ग१ त२८२२ नंको ट्याक्टर गायत्री भन्ने स्थानमा दुर्घटना भएको हो ।

मृतक नेपालीको शव परीक्षणका लागि जिल्ला अस्पताल पर्वतमा राखिएको प्रहरीले जनाएको छ ।