हायस दुर्घटनामा एकको मृत्यु, सात घाइते

कैलाली । लम्कीचुहा-८ गर्कामा बिहीबार बिहान गाडीको ठक्करबाट एक जना साइकल यात्रुको मृत्यु र हायस सवार ७ जना घाइते चएका छन् ।

पूर्व पश्चिम राजमार्गअन्तर्गत नेपालगन्जबाट धनगढीतर्फ जाँदै गरेको भे१ज ६३५ नंको हायसले ठक्कर दिँदा सोहि नगरपालिका–९ खुमरियाका ६५ वर्षीय पञ्चराम चौधरी गम्भिर घाइते भएको र टीकापुर अस्पताल लादैँ गर्दा बाटोमै मृत्यु भएको कैलालीका प्रहरी नायब उपरीक्षक हरिबहादुर वलीले जानकारी दिए ।

साइकल यात्रु बाटो काट्ने क्रममा हायसले ठक्कर लागेको वलीले बताए । हायसमा सवार सात जना यात्रु रहेको र उनीहरु सामान्य घाइते भई टीकापुरस्थित रत्न अस्पतालमा उपचार भइरहेको बताइएको छ ।

चालक र गाडी दुवैलाई प्रहरीले नियन्त्रणमा लिएको जनाएको छ ।