रोकिरहेको ट्रकमा बस ठोक्किदा १२ घाइते

चितवन । गएराती रोकिएको ट्रकमा बस ठोक्किदा १३ जना घाईते भएका छन् ।

भरतपुर महानगरपालिका–११ स्थित बाईपास रोडमा इटहरीबाट काठमाडौं जान हिडेको च्युरा लोडसहित रोकिराखेको ना५ ख९०९९ नम्बर ट्रकमा सोही दिशाबाट आउदै गरेको ना५ ख१३०६ नम्बरको बसले पछाडीबाट ठक्कर खादा बसमा सवार १२ जना यात्रु घाईते भएका छन् । मध्यम अवस्थामा रहेका सबै घाईतेको पुरानो मेडिकल कलेज भरतपुरमा उपचार भईरहेको छ ।

राती ११ः३० बजे भएको सो घटनामा कार समेत ठोक्किएको हो । रोकिराखेकै सोही ट्रकलाई विपरीत दिशाबाट आउदै गरेको बा१२ च१६६० नम्बरको कारले ठक्कर दिँदा कार चालक भरतपुर महानगरपालिका–१० बस्ने २८ वर्षीय चन्द्रविलास अधिकारी घाइते भएका छन् ।

गम्भिर अवस्थामा रहेका अधिकारीको पनि पुरानो मेडिकल कलेज भरतपुरमा उपचार भईरहेको जिल्ला प्रहरी कार्यालय चितवनले जनाएको छ ।