दाउले घाँटीमा प्रहार गरी छोराको हत्या

काठमाडौं । एक व्यक्तिले दाउले घाँटीमा प्रहार गरी छोराको हत्या गरेका छन् ।

मध्यपुर थिमि नगरपालिका-१ लोकन्थली रमाईलो चोकस्थित शिवप्रसाद पौडेलको घरमा डेरा गरी बस्ने मोरङ सुनवर्षा नगरपालिका-१ का ४० वर्षिय डिल्लीराम चापागाईंले आफ्नै छोरा १७ वर्षिय सागर चापागाईंको हत्या गरेको प्रहरीको भनाई छ ।

मङ्गलबार राती आफूसँगै सुतेको अवस्थामा छोराको हत्या गरेको महानगरीय प्रहरी परिसर भक्तपुरका प्रवक्ता डीएसपी रेवतीरमण पोखरेलले बताए ।

छोराको हत्या गरी एक तल्ला माथिबाट हाम फाली फरार रहेका चापागाईंलाई महानगरीय प्रहरी वृत्त ठिमीले नियन्त्रणमा लिई कारबाही प्रक्रिया थालेको जनाएको छ ।

सामान्य घरायसी विवादका कारण हत्या भएको प्रारम्भिक अनुसन्धानमा खुलेको डीएसपी पोखरेलले बताए ।