चोरीमा संलगन २ युवक पक्राउ

सप्तरी । छुट्टाछुट्टै ठाउँको चोरीमा संलग्न २ युवकलाई प्रहरीले पक्राउ गरेको छ ।

डाक्नेश्वरी नगरपालिका-४ का १९ वर्षिय भगवतीकुमार राम र रुपनी गाउँपालिका-९ का २० वर्षिय रामकुमार मण्डल बुधबार पक्राउ परेको प्रहरी उपरीक्षक मुकेशकुमार सिंहले जानकारी दिए ।

दुवैजनाले राजविराज-४ स्थित एउटा होटलबाट विभिन्न पेय पदार्थसहित ३५ हजार तथा सोही स्थानमा रहेको मोबाइल पसलबाट २ लाख मूल्य बराबरका मोबाइल र एलसिडि टेलिभिजन चोरी गरेका थिए ।

होटल तथा पसल सञ्चालकले गरेको उजुरीको आधारमा दुवैजनालाई चोरीका सामानसहित प्रहरीले पक्राउ गरेको हो ।