तामाङको राजीनामा आएको एक सातापछि यस्तो आयो उषाकला राईको भनाई

काठमाडौं । ‘पद आउँछ जान्छ, ठूलो बिषय होइन । मन्त्री र सांसद बन्नु पनि ठूलो कुरो होइन । हामी कसैलाई ठूलो लाग्दो हो भने त्यो पनि ठूलै भ्रम हो भन्ने मलाई लाग्दछ । किन भने यो महत्वपूर्ण जिम्मेवारी मात्र हो र पद सधै अस्थाई हुने गर्छ । तर, कामको आधारमा कमाइने प्रतिष्ठा सधैं बाचिरहन्छ ।’

महिला नेतृ उषाकला राईले सोमबार आफ्नो फेसबुकमा पोष्ट गरेको स्टाटस हो यो । उनले यो स्टाटस कानुनमन्त्री शेरबहादुर तामाङको राजीनामाबारे प्रष्ट पार्न पोष्ट गरेकी थिइन् ।

कानुनमन्त्री शेरबहादुर तामाङलाई एउटा भाषण यति महंगो बन्यो, जुन भाषणले उनलाई राजीनामा नै दिने अवस्था आयो ।

चावहिलको एउटा विद्यालयमा साउन ५ मा भएको कार्यक्रममा मन्त्री तामाङले बंगलादेशमा चिकित्सा शिक्षा पढ्न जाने छात्राहरुले आफ्ना प्राध्यापकलाई शरीर सुम्पेर सर्टिफिकेट लिने गरेको आपत्तिजनक अभिव्यक्ति दिएका थिए ।

तामाङले राजीनामा दिँदा उनकी श्रीमति उषाकला राई साथमै थिइन् । तामाङको राजीनामाबारे उनले खासै प्रतिक्रिया दिएकी थिइनन् । तर सोमबार मार्मिक स्टाटस पोष्ट गरिन् । जसले धेरैलाई दुखित बनायो । तामाङले मन्त्री पदबाट राजीनामा दिएको १ हप्तापछि पत्नी राईले सोमबार सामाजिक सञ्जाल फेसबुकमा स्टाटस लेख्दै भनिन्, ‘ मन्त्री र सांसद बन्नु पनि ठूलो कुरो होइन ।’

हेर्नुहोस् उनको स्टाटस जस्ताको त्यस्तै

पद आउछ जान्छ ठुलो बिषय होइन ! मन्त्री र साम्सद बन्नु पनि ठूलो कुरो होइन ! हामी कसैलाई ठूलो लाग्दो हो भने त्यो पनि ठुलै भ्रम हो भन्ने मलाई लाग्दछ। किन भने यो महत्त्वपूर्ण जिम्मेवारी मात्र हो र पद सधै अस्थाई हुने गर्छ तर कामको आधारमा कमाइने प्रतिष्ठा सधैं बाचिरहन्छ !

सन्दर्भ जोड्न खोजेको मैले के हो भने क. शेर बहादुर तामाङको मन्त्री पदको राजिनामा र राजीनामा सङगै उब्जिएको प्रश्न ! ?

मुलुक भ्रस्टाचार ले अक्रान्त छ ! भ्रस्टाचार को अन्त्य बिना समृद्धि निर्माण हुन सक्दैन ।

भ्रष्टाचार अन्त गरेर समृद्धि निर्माण गर्ने अभियान मा लागेको यो सरकार र सरकारको नेतृत्व गर्नुहुने सम्माननिय प्रधानमन्त्रीको निर्देशन बमोजिम कुरा मात्र होइन काममा निस्ठा देखाए क. शेर बहादुर तामाङले ! सोझा र इमानदार मात्र होइन मलाई त वाहा गौतम बुद्ध जस्तै लाग्छ !

मान्छेको हद हुन्छ हद भन्दा सान्त सुशील मान्छे हो वाहा ! श्रीमानले श्रीमती लाई माया मात्र होइन सम्मान पनि दिनु पर्छ मलाई तेस्तो लाग्थ्यो ! यो जगतमा , मेरो यो जुनिमा कुनै लोग्ने मान्छे बाट मैले पाएको उच्च सम्मान वाहा बाटै हो ! महिला को आत्मा सम्मान, पहिचान को बिषयमा म लडेको पहिलो संविधान सभा र वाहाको साथ म जिबनमा बिरसन्न ।

क शेर बहादुर तामाङ जब कानुन मन्त्री बन्नु भयो निकोइ दुस्साहसि काम थालनी गर्नु भयो । यश मानेमा दुस्साहसि हो कि भ्रस्टाचार ले अक्रान्त यो मुलुकमा भ्रष्टाचार अन्त्य गर्छु त्यो पनि कानुन बनाएर भन्नू निकै जटिल कुरा हो भन्ने म बुझ्ह्दै थिए ।

भ्रस्टाचार अन्त्य गर्ने , न्यायलयको पार्दर्शिता न्यायलयको स्वोचछता, न्यायाधीश हरुको सम्पत्ति सार्बजनिक हुने ब्यबस्था , सार्बजनिक पद धारण गर्ने ब्यक्ति हरुको सम्पत्ति सार्बजनिक गर्ने र दातृ रास्ट्रहरु बाट हाम्रो मुलुकमा आउने पैसा पारदर्शी र एक द्वार प्रणालीअनुसार हुनु पर्ने बिषयहरु चान्चुने थिएनन !

यो कामको थालनी कम्तीमा क शेर बहादुर तामाङ्ले गर्नु भो ! म एउटा ब्यक्ति जसले वाहालाई नजिक बाट चिन्दछु वाहाले गरेको काम प्रति नत मस्तक छु! एकचोटि सलाम कमरेड भन्न मन लागेको छ !

धेरै साथी हरु को स्टस्ट्समा क . शेरबहादुर को समर्थन गर्दै उल्लेख छ सत्यको जित कहाँ हुन्छ र सतिले सरापेको देशमा ! ??