स्याउलीका ट्रक ठक्करबाट एक मजदुरको मृत्यु

रत्ननगर । इच्छाकामना गाउँपालिका–५ स्याउली बजारमा ट्रकको ठक्करबाट गएराति १ मजदुरको मृत्यु भएको छ ।

मुग्लिनबाट नारायणगढतर्फ आउँदै गरेको यूपी२२ टि८४४७ नं को भारतीय ट्रकको ठक्करबाट पैदलयात्री दैलेखका ३५ वर्षीय जीवन सुनार गम्भीर घाइते भएका जिल्ला प्रहरी कार्यालयले जनाएको छ ।

ठक्करबाट गम्भीर घाइते उनको उपचारका क्रममा शिक्षण अस्पताल भरतपुरमा मृत्यु भएको हो । उनी नारायणगढ मुग्लिन सडकखण्डमा काम गर्दैआएका थिए ।

ट्रक चालक फरार भएका छन् । फरार चालकको खोजी भइरहेको जिल्ला प्रहरी कार्यालयले जनाएको छ ।