लेकबेसीको भिरबाट खसेर १ महिलाको मृत्यु

सुर्खेत । लेकबेसी नगरपालिका- ६ सुर्खेतकी १ महिलाको भिरबाट खसेर मृत्यु भएको छ ।

हर्षबहादुर सुवालकी श्रीमती ३५ वर्षीया मोती सुवाल शनिबार घाँस काट्न जाँदा भिरबाट खसेकी थिइन् । लडेर गम्भीर घाइते भएकी उनलाई उपचारका क्रममा नेपालगन्ज लैजाने क्रममा कोहलपुर पुग्दा बेलुका ६ बजेतिर मृत्यु भएको जिल्ला प्रहरी कार्यालय सुर्खेतका प्रहरी नायब उपरीक्षक श्याम चौधरीले जानकारी दिए ।

शवपरीक्षणका लागि मेहलकुना अस्पताल सुर्खेतमा राखिएको छ ।