कर्मचारी अभाव र न्यून बजेटले कार्यालयहरु प्रभावहीन

ताप्लेजुङ । कर्मचारी अभाव र न्यून बजेटका कारण विषयगत कार्यालयहरु प्रभावहीन भएका छन् ।

जिल्ला समन्वय समिति ताप्लेजुङले गरेको बार्षिक समीक्षा गोष्ठीमा आ-आफ्ना कार्यालयको प्रगति विवरण पेश गर्दै विषयगत कार्यालयका प्रमुखहरुले कर्मचारीको अभाव र न्यून बजेटको प्रभावले सेवा दिन नसकेको बताएका छन् ।

न्यून बजेट सबै ठाउँमा पु¥याउनु पर्ने र कार्यान्वयन गर्न पनि कर्मचारी अपुग हुने गरेकाले समस्या हुने गरेको भनाइ छ । कार्यालय प्रमुखहरुले समयमै बजेट निकासा हुन नसकेको, कर्मचारीको अभावले काम गर्न नसकिएको भौगोलिक विकटताका कारण समस्या भएको गुनासो गरे ।

केहीले भने कतिपय आयोजना संचालन गर्न नीतिगत समस्याका कारण समस्या भएको बताए । ताप्लेजुङमा गत आर्थिक वर्ष २०७४/७५ मा ६३ करोड रुपैयाँभन्दा बढी रकम खर्च हुन नसकेपछि फ्रिज भएको थियो ।

१ अर्ब ४० करोड ३५ लाख १४ हजार कूल बजेटमध्ये ६३ करोड ८१ लाख ८२ हजार ३ सय रुपैयाँ फ्रिज भएको थियो ।