पहिरोले नारायणगढ-मुग्लिन सडक अवरुद्ध

चितवन । नारायणगढ–मुग्लिन सडकखण्डको जलवीरेमा शुक्रबार दिउँसो पहिरो खसेर सडक अवरुद्ध भएको छ ।

इच्छाकामना गाउँपालिका वडा नं ६ जलवीरेमा दिउँसो ३ः४५ बजे पहिरो खसेर सडक अवरुद्ध भएको जिल्ला प्रहरी कार्यालय चितवनले जानकारी दिए ।

पहिरोे अझ खसिरहेकाले पन्छाउन कति समय लाग्छ भन्न नसकिने प्रहरी नायब उपरीक्षक प्रभुप्रसाद ढकालले बताए ।

सो सडक विस्तारको काम अन्तिम चरणमा पुगेकाले भित्तो काटेका ठाउँमा समय समयमा पहिरो जाने समस्या देखिएको छ ।