एमाले बैठक आज पनि बस्ने

काठमाडौं । प्रमुख प्रतिपक्षी दल नेकपा एमाले स्थायी कमिटीको बैठक आज बिहान बस्ने भएको छ ।

यसअघि एमाले स्थायी कमिटी बैठक हिजै अपराह्न ४ बजे बस्ने भनिए पनि संसद बैठक लम्बिएपछि बस्न नसकि स्थगित भएको थियो ।

ललितपुरको च्यासलस्थित तुल्सीलाल प्रतिष्ठानको भवनमा आज बिहान ९ बजे बैठक बस्न लागेको नेकपा एमाले केन्द्रीय कार्यालय सचिव शेबरहादुर तामाङले जानकारी दिए ।

बैठकमा विधान महाधिवेशन (प्रतिनिधि, दस्तावेज र व्यवस्थापन) र चालु संसद अधिवेशनमा पार्टीले खेल्ने भूमिकाबारे छलफल हुने तामाङले जानकारी दिए ।