पछिल्लो २४ घण्टामा काठमाडौँ उपत्यकामा थपिए ५१९ जना कोरोना संक्रमित

काठमाडौँ । पछिल्लो २४ घण्टामा काठमाडौँ उपत्यकामा थप ५१९ जनामा कोरोना संक्रमण पुष्टि भएको छ।

स्वास्थ्य मन्त्रालयका अनुसार काठमाडौँमा ३६४, भक्तपुरमा ६६ र ललितपुरमा ८९ जनामा संक्रमण पुष्टि भएको हो।

यस्तै पछिल्लो २४ घण्टामा देशभर थप १ हजार ६७७ जनामा कोरोना संक्रमण पुष्टि भएको छ भने २१ जनाले ज्यान गुमाएका छन्।

मंगलबार २ हजार ७२ जना कोरोना संक्रमणमुक्त भएका छन्। हाल देशभर ३० हजार ३०३ जना सक्रिय संक्रमित रहेको स्वास्थ्य मन्त्रालयले जनाएको छ।