सिन्धुपाल्चोकमा लिसंखुपाखरबाट काठमाडौं आउँदै गरेको बस दुर्घटना, दुईको मृत्यु ३१ जना घाइते

काठमाडौं । सिन्धुपाल्चोकको सुनकोसी गाउँपालिकामा यात्रुवाहक बस दुर्घटना भएको छ । लिसंखुपाखरबाट काठमाडौं आउँदै गरेको कोशीपारी यातायातको बा ३ ख ८०३० नम्बरको गाडी सुनकोसी गाउँपालिका–३ छापगाउँमा दुर्घटना भएको हो ।

दुर्घटनामा परि दुई जनाको मृत्यु भएको छ भने ३१ जना घाइते भएका छन् । ब्रेकमा समस्या आएपछि यात्रु ओरालेर परीक्षण गरी पुनः यात्रु चढाएपछि बस दुर्घटना भएको घटनास्थलमा रहेका स्थानीय रविन्द्र खड्काले जानकारी दिए ।

हरी प्रमुख राजन अधिकारीका अनुसार घटनास्थलमा प्रहरी पुगिसकेको र उद्धारको काम जारी रहेको जानकारी दिए ।घाइतेमध्ये १६ जनाको सदाबहार अस्पताल, खाडीचौर र बाँकीलाई धुलिखेल र काठमाडौं पठाइएको प्रहरीले जनाएको छ ।