काठमाडौँ उपत्यकामा थप १०३३ जनामा कोरोना संक्रमण पुष्टि, एकै जिल्लामा थपिए ६७३ संक्रमित

काठमाडौँ । पछिल्लो २४ घण्टामा काठमाडौँ उपत्यकामा १०३३ जना कोरोना संक्रमित थपिएका छन्।

स्वास्थ्य मन्त्रालयका अनुसार काठमाडौँमा ६७३, भक्तपुरमा १४१ र ललितपुरमा २१९ जनामा कोरोना संक्रमण पुष्टि भएको हो।

यस्तै पछिल्लो २४ घण्टामा देशभर थप ३ हजार २७४ जनामा कोरोना संक्रमण पुष्टि भएको छ भने २७ जनाको मृत्यु भएको छ।

देशभर हालसम्म ३९ हजार ८७१ जना सक्रिय संक्रमित छन्। मंगलबार १ हजार ९२९ जना संक्रमणमुक्त भएका छन्।