अफगानिस्तानमा रहेका नेपालीलाई फर्काउन सरकारले छुट्टै संयन्त्र बनाउने  

काठमाडौं । परराष्ट्र मन्त्रालयका सहसचिव हरिशचन्द्र घिमिरेले अफगानिस्तानमा रहेका नेपालीको उद्धार गरी नेपाल ल्याउन सरकारले संयन्त्र बनाउने तयारीमात्र गरेको बताए ।

मन्त्रालयका सचिवले संयन्त्र गठन भैसकेको जानकारी संसदीय समितिलाई गराएकै दिन घिमिरेले त्यस्तो बताएका हुन् ।  अहिलेसम्म अफगानिस्तानमा रहेका नेपाली अमेरिकी राजदुतावास र संयुक्त राष्ट्रसंघीय मिसनमा सुरक्षित रहेको मन्त्रालयले जनाएको छ ।

उनीहरुलाई नेपाल फर्काउन छुट्टै संयन्त्रको तयारी गरेको सहसचिव घिमिरेले जानकारी दिए । हाल १५ सय जना नेपाली अफगानिस्तानाका विभिन्न शहरहरुमा संयुक्त राष्ट्र संघिय मिसनमा र अमेरिकी राजदुतावासमा रहेको मन्त्रालयले जनाएको छ ।

ती नेपालीलाई सुरक्षित राख्न र स्वदेश फिर्ताको लागि अमेरिकी राजदुतावासलाई आग्रह गरिसकेको परराष्ट्र मन्त्रालयकी प्रवक्ता सेवा लम्सालले जानकारी दिए । अफगानिस्तानको स्थिति तनावग्रस्त भएपछि बेलायत, जर्मनी, अमेरिकालगायतका देशहरुले आफ्ना नागरिकहरु फिर्ता लैजान थालिसकेका छन् ।