अन्तर्राष्ट्रिय विमानस्थलमा फ्रि वाइफाई

काठमाडौं। त्रिभुवन अन्तर्राष्ट्रिय विमानस्थलको आन्तरीक टर्मीनल भवनमा सोमबारदेखि फ्रि वाइफाई सेवा सञ्चालनमा आएको छ ।

सोमबार ट्वीट गर्दै संस्कृति पर्यटन तथा नागरिक उड्डयनमन्त्री रविन्द्र अधिकारीले फ्रि वाइफाई सेवा सञ्चालनमा आउनाले यात्रुलाई धेरै सहयोग पुग्ने विश्वास व्यक्त गरे ।

वर्डलिङ्कसँगको सहकार्यमा फ्रि वाइफाई सेवा सञ्चालनमा आएको हो । अन्तर्राष्ट्रिय टर्मीनल भवनमा समेत अर्को हप्ता देखि फ्रि वाइफाई सेवा सञ्चालनमा ल्याउने योजना रहेको मन्त्री अधिकारीले जानकारी दिए ।

देशको एक मात्र अन्तर्राष्ट्रिय विमानस्थलमा आन्तरिक र अन्तर्राष्ट्रिय गरी दैनिक करिब ४ सय उडान–अवतरण हुन्छन् । त्रिभुवन अन्तर्राष्ट्रिय विमानस्थलबाट आन्तरीक उडान गर्ने यात्रुहरुले सोमबारदेखि नै यो सेवा उपभोग गर्न पाएका छन् ।