नुवाकोटमा बस दुर्घटनामा ४० जना घाइते, सातको अबस्था गम्भीर

नुवाकोट । नुवाकोटमा बुधबार बिहान यात्रुबाहक बस दुर्घटना हुँदा ४० जना घाइते मध्ये ७ को अबस्था गम्भीर रहेको छ ।

बुङताङबाट काठमाडौं जाँदै गरेको बा.२ ख२८०४ नं.को बस विदुर नगरपालिका–९, लामाटारमा दुर्घटना भएको हो ।

मिनिट्रकलाई साइड दिने क्रममा सडक भासिएर ४० मिटर तल खस्दा बसमा यात्रा गरिरहेका ४० जना घाइते भएको नुवाकोट प्रहरी प्रमुख एसपी वसन्तबहादुर कुँवरले जानकारी दिए ।

गम्भीर घाइते ७ जनालाई उपचारको लागि काठमाडौं पठाइएको छ । अन्य घाइतेहरुको त्रिशूली अस्पतालमा उपचार भैरहेको प्रहरीले जनाएको छ ।