प्युठानका पहिरोले तीन घरगोठ पुरियो, सात घर उच्च जोखिममा

प्युठान । अबिरल बर्षातका कारण आएको पहिरोले उत्तरी प्युठानमा ३ घरगोठ पुरेको छ भने एक जना बेपत्ता भएका छन् ।

जिल्लाको गौमुखी गाउँपालिका ४ को साविक पुजा गाबिस) पातालेखर्क भन्ने स्थानमा खसेको पहिरोले मध्यरात लगभग १२ बजे ३ घरगोठ पुरेको प्युठानका प्रमुख जिल्ला अधिकारी बद्रीनाथ गैरेले बताए ।

स्थानीय देव बहादुर सुनारको घरगोठ र झगे बिकको घर पहिरोले पुरेको हो र अन्य ७ वटा घर समेत पहिरोको उच्च जोखिममा रहेको स्थानीयले जनाएको छ ।

पहिरोमा परेर ३५ बर्षिया झगे बिक बेपत्ता भएका हुन् ।

घटनाको जानकारी पाउना साथ बिहानै जिल्ला प्रहरी कार्यालय प्युठानबाट इन्स्पेक्ट्र सहितको उद्दार टोली घटनास्थल तर्फ पठाइएको प्रजिअ गैरेले जनाए ।