कम्मर र ढाडमा बाँधेर गाँजा तस्करी

काठमाडौं । प्रहरीले तीन किलो दुई सय ग्राम लागु औषध गाँजासहित बाराबाट दुई भारतीय नागरिकलाई पक्राउ गरेको छ।पक्राउ पर्नेहरुमा भारत मोतिहारी नरकटिया बस्ने लक्ष्मण साह र रक्सौल बस्ने पासपत साह रहेका छन्।

मंगलबार विहान जितपुरसिमरा उपमहानगरपालिका वडा नं.२२ स्थित डमरपुर–अम्लेखगंज सडक खण्डको चक्री गाउँ नजिक ईलाका प्रहरी कार्यालय अम्लेखगंज बाराबाट खटिएको मोटरसाईकल गस्ती टोलीले चेकजाँजका क्रममा उनीहरुको शरीरबाट सो लागु औषध बरामद गरेको हो।

उनीहरुले छाती तथा ढाडको भागमा बाधी लुकाएर ल्याउँदै गरेको अवस्थामा सो गाँजा फेला परेको प्रहरीले जनाएको छ। उनीहरूलाई बारा जिल्ला अदालतबाट म्याद अनुमति लिई ईलाका प्रहरी कार्यालय सिमरा बारामा राखी आवश्यक अनुसन्धान भईरहेको प्रहरीले जनाएको छ।