पानी ट्यांकीमा डुबेर १ जनाको मृत्यु

भक्तपुर । सूर्यविनायक नगरपालिका-३ बालकोट नयाँ बस्ती बस्ने २३ वर्षीय सुभाष चौलागाईं बा५ ख८२७१ नं को ट्यांकरबाट पानी हाल्ने क्रममा ट्यांकीभित्र खसेर बेहोश भएका थिए ।

रिजर्भ ट्यांकीमा डुबेको अवस्थामा सोही ठाउँका स्थानीयवासीले उद्धार गरी मध्यपुर अस्पतालमा उपचारको क्रममा मृत्यु भएको महानगरीय प्रहरी वृत्त थिमिले जानकारी दिएको छ ।

प्रहरीको प्रारम्भिक अनुसन्धानमा चौलागाईंको मध्यपुर अस्पतालमा उपचारको क्रममा मृत्यु भएको प्रहरी निरीक्षक हस्तबहादुर सुनारले जानकारी दिए ।

प्रहरीले पदमबहादुर सुनुवार र ट्यांकर चालकलाई नियन्त्रणमा लिएर घटनाको अनुसन्धान शुरु गरेको छ ।

मृतकका काका छत्रबहादुर चौलागाईंले शुक्रबार प्रहरी वृत्त थिमिमा हत्या भएको भन्दै जाहेरी दिएको छ ।