बोलेरो दुर्घटनामा ५ जनाको मृत्यु ८ घाइते

मानेखर्कतर्फ जाँदै गरेको लु१ ख९९९ नंंको बलेरो जीप बिहीबार बेलुका ८ः१५ बजे दुर्घटना हुँदा घटनास्थलमा ५ जनाको मृत्यु भएको छ ।

अन्य ८ जना घाइते भएको जिल्ला प्रहरी कार्यालयका प्रहरी उपरीक्षक मोहनप्रसाद पोखरेलले जानकारी दिए ।

पाँचपोखरी थाङ्पाल गाउँपालिका–३ भोटाङका ६५ वर्षीय भीमबहादुर तामाङ, ६० वर्षीया जयरानी तामाङ, ५६ वर्षीय पोदोम तामाङ, ५३ वर्षीया नानी तामाङ र २५ वर्षीया सुनमाया तामाङको मृत्यु भएको छन् ।

गम्भीर घाइते ८ जनालाई उपचारका लागि काठमाडौँ लगिएको छ ।

सो जीप सडकबाट करीब ४०० मिटर तल खसेर दुर्घटनामा परेको प्रहरी उपरीक्षक पोखरेलले जानकारी दिए ।