९ करोड ७५ लाखको लागतमा खानेपानी आयोजना

कञ्चनपुर । शुक्लाफाँटा नगरपालिका-८ मा ९ करोड ७५ लाखको लागतमा खानेपानी आयोजना निर्माणका बोरिङ गर्ने कार्य शुरु गरिएको छ ।

खानेपानी आयोजनाबाट नगरपालिकाको वडा नं ८ र ९ का १ हजार ७ सय घरधुरी लाभान्वित हुने वडा नं ८ का वडाध्यक्ष बहादुर महराले बताए ।

चुरे फेदको बस्ती भएकाले गर्मीका बेला पानी सुक्ने गरेको छ । नदी र खोलाको पानी सुकेपछि स्थानीयवासीले पानीका लागि सास्ती खेप्नुपरेको छ ।