बस दुर्घटनामा १ जनाको मृत्यु २१ जना घाइते

नवलपरासी । पूर्वपश्चिम राजमार्ग अन्तर्गत पश्चिम नवलपरासीको भुमहीमा बस दुर्घटना हुँदा १ जनाको मृत्यु २१ जना घाइते भएका छन् ।

नारायणघाटबाट नेपालगञ्ज तर्फ जाँदै गरेको ना६ ख९४३८ नं.को यात्रुबाहक बस सुनवल नगरपालिका-१२, भुमहीमा अनियन्त्रित भएर दुर्घटना भएको हो ।

मृत्यु हुनेमा गुल्मी जिल्ला मालिका गाउँपालीका-१, अर्चेङका अन्दाजी ३७ वर्षिय गणेश लम्साल रहेको प्रहरीले जनाएको छ ।

बस पल्टदा उनको च्यापिएर घटनास्थलमै मृत्यु भएको हो भने उनकी अन्दाजी ६ वर्षीया छोरी सुप्रिया लम्साल गम्भिर घाइते भएकी छिन् ।

घाइतेहरु मध्ये १० जना गम्भिर रहेको र उनीहरुको भैरहवा मेडिकल कलेज रुपन्देहीमा उपचार भईरहेको छ ।

सामान्य घाइतेको भुमहीस्थित रामनगर सामुदायिक हस्पिटलमा उपचार भइरहेको छ ।