सूर्यडाँडा - मदन भण्डारी राजमार्ग अवरुद्ध

हेटैंडा । कुलेखानी सडकखण्डमा पर्ने इन्द्रसरोवर गाउँपालिका-४ बुरुण्डीस्थित फाखेलको सडक र इन्द्रसरोवर गाउँपालिका-७ स्थित सिस्नेरीको सूर्यडाँडामा बिहिबार बिहान परेको वर्षात्ले हेटौँडा काठमाडौँतर्फको यातायात दुवैतर्फ बिहानदेखि अवरुद्ध भएको छ ।

काठमाडाँैबाट आएका हल्का सवारी सुमो, जीप, कार र मोटरसाइकल पहिरो नजीक अलपत्र अवस्थामा रोकिनुपर्दा यात्रुलाई गन्तव्यमा पुग्न निकै कठिनाइ भएको छ ।

२ सडकमा पहिरो हटाउन प्राविधिकसहित डोजर त्यसतर्फ पठाइसकिएको र मौसम अनुकूल भएमा मध्याह्न १२ बजेसम्म यातायात सञ्चालनमा ल्याइने मकवानपुरका प्रमुख जिल्ला अधिकारी चक्रबहादुर बुढाले जानकारी दिए ।