दुई वस आपसमा ठोक्किंदा २६ जना घाइते, दुईको अवस्था गम्भिर

पाल्पा । पाल्पामा दुईवटा बस एक आपसमा ठोक्किँदा २६ जना घाइते भएका छन्। घाइतेमध्ये दुईजनाको अवस्था गम्भिर छ ।

पाल्पाबाट नेपालगन्ज जाँदै गरेको लु १ ख ८१२७ नम्बरको बस र भैरहवाबाट बाग्लुङतर्फ जाँदै गरेको लु १ ख ७२७२ नम्बरको बस तानसेन ८ भालेबासको मोडमा एक आपसमा ठोक्किँदा दुर्घटना भएको हो।

घाइतेलाई उपचारका लागि लुम्बिनी मेडीकल कलेज पठाइएको जिल्ला प्रहरी कार्यालय पाल्पाले जनाएको छ।