जीप दुर्घटनामा ९ जना घाइते १ को मृत्यु

काठमाडौं । पाँचथरमा मंगलबार बिहान भाडाका जीप दुर्घटनामा ९ जना गम्भीर घाइते र १ जनाको मृत्यु भएको छ ।

याङबर गाउँपालिका वडा न. ३ को चैते भीरमा मे१ ज२०५१ न.को जीप दुर्घटना भएको हो । दुर्घटनास्थलमा च्याङथापु-१ का कैलाश अधिकारीको मृत्यु भएको हो ।

जीपमा चालकसहित १० जना थिए । वर्षात्का कारण ग्रामीण सडक यात्राका लागि खतरा बन्दै गएको छ । चिप्लिएर सडकबाट करिब १०० मिटर तल झरेर जीप अडिएको छ । जीपको बडी र चक्का अलग भएको छ ।

पछिल्लो समयमा सडक दुर्घटनामा परी दैनिक मृत्यु हुनेको संख्या ६ पुगेको एक तथ्यांकले देखाएको छ ।