ट्रक दुर्घटनामा ४ यात्रु घाइते

नवलपरासी । पूर्वपश्चिम राजमार्गअन्तर्गत पूर्वीनवलपरासीको कावासोती नगरपालिका-८ खरकट्टा जंगलमा मंगलवार भएको ट्रक दुर्घटनामा परी १ भारतीयसहित ४ यात्रु घाइते भएका छन् ।

राजमार्ग छेउमा बिग्री रोकिराखेको ना७ ख२०८० नंको ट्रकमा पश्चिमबाट पूर्वतर्फ जाँदै गरेको ना५ ख५९४६ नंको ट्रकले ठोक्किँदा ट्रकमा सवार यात्रु घाइते भएका हुन् ।

घाइतेको अहिले स्थानीय नवलपुर अस्पतालमा उपचार भइरहेको जिल्ला प्रहरी कार्यालय नवलपरासी (बर्दघाट सुस्ता पूर्व) ले जनाएको छ ।