धुलिखेलमा बस दुर्घटना हुँदा २८ जना घाइते

धुलिखेल । काभ्रेको धुलिखेलमा बस दुर्घटना हुँदा २८ जना घाइते भएका छन्। घाइते मध्ये १ जनाको अवस्था गम्भीर छ।

धुलिखेल नगरपालिका ६ बेइजिङ प्लान्ट नजिकै आज विहान बा ३ ख ८१५५ नम्बरको बस पल्टिएको हो।

भकुण्डेबाट बनेपा आउँदै गरेको हिमाल–तराई यातायातको बस अनियन्त्रित भइ सडकबाट खोल्सामा खसेको जिल्ला प्रहरी कार्यालय काभ्रेका प्रहरी निरीक्षक रविराज खड्काले जानकारी दिए।

घाइते अधिकांश कलेज पढ्ने विद्यार्थी छन्। कलेज पढ्ने छात्रछात्रासहित ३३ जना यात्रु बसमा सवार थिए। घाइतेहरूको धुलिखेल अस्पतालमा उपचार भइरहेको छ।