केही ठाउँमा आज पनि ठूलो पानी पर्ने सम्भावना

काठमाडौं । बुधबार पनि मौसम बदली भई धेरै ठाउँमा पानी पर्ने संभावना रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार आज केही ठाउँमा भने ठूलो पानी पर्ने संभावना छ । अहिले देशका विभिन्न भूभागमा मौसम खुलेजस्तो भए पनि दिउँसोदेखि बदली हुने महाशाखाले जानकारी दिएको छ ।

मनसुनको समय भएकाले देशका विभिन्न भूभागमा दैनिकजसो हल्कादेखि मध्यम किसिमको वर्षा भैरहेको छ ।