जमेको पानीमा डुबेर बालकको मृत्यु

भीमदत्तनगर । खाल्डोमा जमेको पानीमा डुबेर कञ्चनपुरको महाकाली नगरपालिका–१ डाँडा टोलका ८ वर्षीय अस्मित सुनारको सोमबार मृत्यु भएको छ ।

महाकाली नदी किनारमा रहेको खाल्डोमा नुहाउने क्रममा डुबेर स्थानीय शंकर सुनारका छोरा अस्मित बेहोस भएका थिए । उनको उपचारका क्रममा दोधारा चादँनीस्थित प्राथमिक स्वास्थ्य केन्द्रमा मृत्यु भएको इलाका प्रहरी कार्यालय दोधारा चादँनीका प्रहरी निरीक्षक नरेन्द्रबहादुर चन्दले जानकारी दिए ।