७० हजार घुस रकमसहित कर्मचारी पक्राउ

लहान । सेवाग्राहीसँग घुसबापत लिएको ७० हजार नगदसहित १ कर्मचारी पक्राउ परेको छ ।

अख्तियार दुरुपयोग अनुसन्धान आयोगको टोलीले सप्तरीको तिलाठि–कोइलाडी गाउँपालिकाका राजविराज नगरपालिका– ५ स्थित सम्पर्क कार्यालयबाट भौतिक पूर्वाधार तथा योजना शाखाका सहायक कर्मचारी राजकुमार मण्डललाई शुक्रबार साँझ अख्तियारको इटहरीस्थित सम्पर्क कार्यालयको टोलीले पक्राउ गरेको हो ।

टोलीका प्रमुख प्रहरी निरीक्षक राजन कार्कीले मण्डलको साथवाट घुसबापत लिएको नगद ७० हजार बरामद भएको जानकारी दिए ।

सकरपुरामा सडक निर्माणको योजना मिलाई दिएबापत मण्डलले उपभोक्ता समितिबाट कमिसनबापत उक्त रकम लिएको अख्तियारको टोलीले जनाएको छ ।

अख्तियारको टोलीले मण्डललाई अनुसन्धानका लागि इटहरीस्थित सम्पर्क कार्यालयमा लगेको जनाएको छ ।