पहिरोवाट २ जनाको मृत्यु ३ घाइते

जाजरकोट । अविरल वर्षापछि घरमाथिबाट आएको पहिरोले घर पुर्दा जुनीचाँदे गाउँपालिका ६ गर्खाकोट छिर्कमा घरमा सुतिरहेका २ जनाको मृत्यु भएको छ भने ३ जना घाइते भएका छन् ।

५५ वर्षीया लली बुढा र उनकै नातिनी नौ वर्षीया सिर्जना बुढाको मृत्यु भएको हो । बिहीबार राति ११ बजेतिर सुतिरहेको अवस्थामा घरमाथिबाट एक्कासि पहिरो आउँदा उक्त घटना भएको घरमुली भक्तबहादुर बुढाले जानकारी दिए ।

भक्तबहादुर, उनकै नाति १३ वर्षीय पारस बुढा र सात वर्षीया नातिनी खिमा बुढा घाइते भएका छन् । घाइतेमध्ये अन्यको अवस्था सामान्य भए पनि खिमाको अवस्था गम्भीर छन् ।