पोखरामा ओलीलाई कालो झण्डाले गरियो स्वागत

पोखरा । पोखरामा रहेको पोखरा विमानस्थल निरीक्षण गर्न पोखरा पुगेका प्रधानमन्त्री केपी शर्मा ओलीलाई विद्यार्थीले कालो झण्डा देखाएका छन् ।

पोखरा विमानस्थल निरीक्षण र पोखरा विश्वविद्यालयको १५ औं साधारणसभामा भाग लिन प्रधानमन्त्री ओली पोखरा पुगेका थिए । तर, विद्यार्थीले ओलीलाई देखाएका थिए । सो क्रममा प्रहरीले २५ जना विद्यार्थी पक्राउ गरेको छ ।

प्रधानमन्त्री ओलीलाई विभिन्न ठाउँमा कालोझण्डा देखाउने नेपाल विद्यार्थी संघ र नयाँ शक्ति पार्टीका विद्यार्थीहरु पक्राउ परेका हुन् । नयाँ शक्तिका विद्यार्थीहरुले प्रदेशसभा बाहिर कालोझण्डा देखाउने तयारी गरेका थिए ।

त्यस्तै नेविसंघका विद्यार्थीले पोखरामा विभिन्न ठाउँमा प्रधानमन्त्रीलाई कालोझण्डा देखाएका थिए ।