गीतगजल रेष्टुराँ आगलागीमा ६० लाखको क्षति

विराटनगर । विराटनगर महानगरपालिका–१२, पञ्चालीमा सञ्चालित गीतगजल रेष्टुराँमा बिहिबार बिहान आगलागी हुँदा करीब ६० लाख बराबरको सम्पत्ति जलेर खरानी भएको छ ।

विराटनगर वडा प्रहरी कार्यालयका अनुसार बिहान करीब ४ः१५ बजे भएको आगलागी विद्युत् सर्ट भएर भएको र सो क्षतिको प्रारम्भिक अनुमान प्रहरीले गरेको छ ।

स्थानीय नवीन घिमिरेको घर बहालमा लिई योग्य श्रेष्ठद्वारा सञ्चालित पञ्चाली गीतगजल रेष्टुराँमा लागेको आगोलाई दमकल, स्थानीय प्रहरी र सर्वसाधारण जनताको सहयोगमा नियन्त्रणमा लिइएको थियो ।