रुकुममा जीप दुर्घटनामा मृत्यु हुनेको संख्या ७ पुग्यो

रुकुम । रुकुममा भएको जीप दुर्घटनामा मृत्यु हुनेको संख्या ७ पुगेको छ ।

बुधबार रुकुमको सिस्ने गाउँपालिका –५, धारापानीमा लु १ ज २५७३ नं.को जीप जीप दुर्घटना भएको थियो । सो दुर्घटनामा परी ७ पुगेको छ भने अझैं ३ जना गम्भीर घाइते छन् ।

रुकुमबोटबाट सोही गाउँपालिकाको धौलापैरामा जाँदै गरेको जीप दिउँसो २ बजेतिर सडकबाट करिब सय मिटर तल खसेको थियो । सो घटनामा परी ४ जनाको घटनास्थलमै मृत्यु भएको थियो भने बाँकी थप ३ जनाको केहीबेर अघि मृत्यु भएको प्रहरीको भनाई छ ।

मृतक कसैको पनि सनाखत हुन सकेको छैन । घटनास्थलमा नेपाली सेना, नेपाल प्रहरी र स्थानीयले उद्धार गरिरहेका छन् । बाटो चिप्लो भएका कारण जीप दुर्घटना भएको अनुमान गरिएको छ ।