घुससहित जिल्ला शिक्षा प्रमुख पराजुली पक्राउ

कपिलवस्तु । अख्तियार दुरुपयोग अनुसन्धान आयोगले जिल्ला शिक्षा प्रमुख पक्राउ गरेको छ ।

शिक्षा विकास तथा समन्वय इकाई कपिलवस्तुका प्रमुख सुरेन्द्रराज पराजुलीलाई सेवाग्राहीबाट घुस लिएको आरोपमा सोमबार पक्राउ गरको हो ।

शिक्षकको सरुवा मिलाउने गरी घुस लिएका पराजुली अख्तियारको टोलीले पक्राउ गरेको थियो । पराजुलीले शिक्षकसँग घुस मागेपछि सो कुराको जानकारी अख्तियारमा गराइएको थियो । सोहीअनुसार अख्तियारको बुटवलस्थित क्षेत्रीय कार्यालयको टोलीले सोमबार पराजुलीलाई दुई लाख ८० हजार रुपैयाँ घुस रकमसहित कार्यालयबाटै नियन्त्रणमा लिएको हो ।

सेवाग्राहीसँगदुई लाख ८० हजार लिँदै गर्दा अख्तियारको टोलीले उनलाई रंगेहात पक्राउ गरी थप अनुसन्धान भइरहेको अख्तियारले जनाइएको छ ।