अधिकारीलाई आर्थिक विकास सेवा सम्मान

काठमाडौं । समाजसेवी हेमाकुमारी अधिकारी आर्थिक विकास सेवा सम्मान २०७५ बाट सम्मानित भएकी छन् ।

अधिकारीलाई सत् बिचार राष्ट्रिय मासिकले आफ्नौ नवौं वार्षिक उत्सवको अवसरमा देशको आर्थिक क्षेत्रको विकास तथा समाजसेवामार्फत पुर्याएको योगदानको कदर गर्दै सम्मान गरेको हो ।

रोटरी क्लव अफ जावलाखेलको पूर्व अध्यक्षसमेत रहेकी अधिकारीलाई स्वास्थ्य राज्यमन्त्री पद्मा आर्यालले सम्मान गरिन् । अधिकारी मस्रेक बैंक दुवईको नेपाल प्रमुख हुन् । व्यक्तिगत एवं रोटरी क्लव अफ जावलाखेलमार्फत उनी समाजसेवामा क्रियाशील रहँदै आएकी छन् ।

अधिकारीले सत् बिचार राष्ट्रिय मासिकले गरेको सम्मानले देशको आर्थिक विकास र दिनदुःखीको सेवामा लाग्न झनै प्रेरणा मिलेको बताइन् ।