उपत्यकामा पेस्तोल किनबेच गर्दै ३ जना पक्राउ

काठमाडौं । उपत्यकामा दिनदहाडै जर्मन पेस्तोल विक्री गर्न हिँडेका ३ जनाको समूहलाई ललितपुरको नख्खिबोटबाट प्रहरीले पक्राउ गरेसँगै हतियार किनबेच हुने गरेको खुलेको हो ।

स्रोतका अनुसार पक्राउ पर्नेमा कृष्णबहादुर जोशी, आकुराम मुक्तान र हेमराज पौडेल छन् । विशेष सुराकीका आधारमा पछ्याउने क्रममा उनीहरुलाई काठमाडौं प्रहरी परिसरको टोलीले पक्राउ गरेको स्रोतले बताए ।

स्रोतका अनुसार उनीहरुको साथबाट ५ राउण्ड गोली र २ वटा म्याजिन पनि बरामद भएको छ ।
काठमाडौं प्रहरीले उनीहरुलाई ललितपुर प्रहरीको जिम्मा लगाएको छ । थप अनुसन्धान भइरहेकोे स्रोतले बताएको छ ।