२२ हजार बिरूवा अनुदान

इलाम । स्थानीय फाकफोकथुम गाउँपालिकाका ७ वटा वडामा जिल्ला कृषि कार्यालयको शाखाले २२ हजार थान अलैँची, कागती र सुन्तलाका बिरूवा वितरण गरेको छ ।

उक्त शाखाले १÷१ हजार सुन्तला र कागती, २० हजार अलैँचीका बिरूवा वितरण गरेको कृषि प्राविधिक कुशेश्वर यादवले बताए । कृषिले यहाँका ४ वटा सहकारी संस्थालाई ५० प्रतिशत अनुदानमा मिनिपावर ट्रिलर पनि वितरण गरेको छ ।
कुवापानी कृषि सहकारी, जोरधारा कृषि सहकारी, दोकानडाँडा कृषि सहकारी संस्थालाई खेतबारी जोत्नका लागि अनुदानमा मिनि ट्रिलर वितरण गरिएको उनले जानकारी दिए ।

यसैगरी तरकारी खेतीका लागि ५ वटा प्लास्टिक पोखरीसमेत वितरण गरिएको छ ।