नारायणी नदीमा डुबेर १ बालक बेपत्ता

नवलपरासी । पश्चिम नवलपरासीमा शनिबार नारायणी नदीबाट दाउरा निकाल्ने क्रममा डुबेर १ बालक बेपत्ता भएका छन् ।

सुस्ता गाउँपालिका-५ बलिनगर बस्ने केशकुमार कुर्मीका छोरा अन्दाजी १२ वर्षीय विशाल कुर्मी उक्त नदीबाट बेपत्ता भएको स्थानीयवासीले जनाएका हुन् ।

बालकलाई प्रहरी र स्थानीयवासी मिलेर खोजी गरिरहेका छन् । हालसम्म बालक नभेटिएको रामनगर प्रहरी चौकीले जनाएको छ ।