११ केजी सालकको खपेटासहित १ जना पक्राउ

पाँचथर । प्रतिबन्धित सालकको खपेटा सहित १ जनालाई पाँचथर प्रहरी पक्राउ गरेको छ ।

सवारी चेकजाँचको क्रममा ११ केजी सालकको खपेटा (अखेटोपहार ) सहित हिलिहाङ गाउपालिका-३ बस्ने ५३ बर्षिय फुपुठिले शेर्पालाई पक्राउ गरेको पाँचथरका प्रहरी सहायक निरीक्षक अनिल कुमार पौडेलले जानकारी दिए ।

ईलाका प्रहरी कार्यालय अमरपुर पाँचथरबाट खटिएको प्रहरी टोलीले हिलिहाङ गाउपालिका २ स्थित मेची राजमार्गमा शुक्रबार राति सवारी चेकजाँच गर्दा मे१ ज१४३९ नं को बोलेरो गाडीमा ओखेटोपहार फेला पारेको हो ।

११ केजी सालकको खपेटा, १ थान मोबाईल फोन, चाँदीका केही गरगहना र नगद १२ हजार रुपैयाँ सहित शेर्पालाई पक्राउ गरीएको प्रहरीको भनाइ छ ।

शेर्पालाई शुक्रवारनै आवश्यक कार्बाहीका लागी जिल्ला वन कार्यालय पाँचथरमा बुझाईएको प्रहरीले जनाएको छ ।