रुकुममा बस दुर्घटना, २ जनाको मृत्यु, ८ को अवस्था चिन्ताजनक

रुकुम । रुकुमको सदरमुकाम मुसिकोटमा गाडी दुर्घटना हुँदा २ जनाको मृत्यु भएको छ । सो दुर्घटनामा परी १६ घाइते भएका छन् । ८ जनाको अवस्था चिन्ताजनक छ ।

रुकुम पश्चिमको सल्लेबाट मुसिकोट बजारतर्फ आउँदै गरेको ना ५ ख ६५१० नम्बरको बस दुर्घटना हुँदा मुसिकोट नगरपालिका–१ की २५ वर्षीया सपना मल्ल भण्डारीको मृत्यु भएको छ ।

सो दुर्घटनामा परी गम्भीर घाइते मुसिकोट नगरपालिका –१ की ८ वर्षीया बालिका नविना थापालाई नेपालगञ्ज लगिएको छ ।

सो बस सडकबाट झण्डै ६० मिटर तल खसेको थियो । बस दुर्घटनाको कारण भने खुल्न सकेको छैन । घाइतेमध्ये ८ जनाको जिल्ला अस्पताल सल्लेमा उपचार भइरहेको छ । दुर्घटना स्थलमा नेपाल प्रहरी, सशस्त्र प्रहरी, नेपाली सेना र स्थानीयहरु उद्धारका लागि खटिएका छन् ।